Байгалийн ухааны баг

БУТАН

/Бутаны вант улс/ Утасны код – 975

Бутан улс нь Азийн өмнөд хэсэгт Гималайн нурууны зүүн хэсэгт оршино. Хойд болон баруун талаараа БНХАУ, урд болон зүүн талаараа Энэтхэг улстай хиллэдэг. Далайд гарцгүй орон юм.

Газар нутаг: 46.5 мянган км2 газар нутагтай.

Нийслэл хот: Тхимпху /30000 хүнтэй/

Хүн ам: 2300 мянга орчим хүнтэй.

Нийт хүн амын  61 хувийг бхоти, 16 хувийг гурунг, 13 хувийг ассами үндэстэн эзлэхээс гадна тус оронд 5000 бенгальчууд, 10000 бихарчууд, 5000 түвдүүд амьдардаг. Нийт хүн амын 6 хувь нь хот суурин газар амьдардаг. Дундаж наслалт эрэгтэй 50, эмэгтэй 48 наслана.

Албан ёсны хэл: Бхоти (зонг-хэ), Англи, Балба

Шашин шүтлэг: Будда шашинг 75 хувь, Индуист шашинг 25 хувь нь шүтдэг.

Засаг захиргааны байдал: Засаг захиргааны 18 том нэгжид хуваагддаг.

Төрийн байгууламж: Бутан улс нь хаант засаглалтай оронд тооцогдох бөгөөд төрийн тэргүүн нь хаан байдаг. Бутан улс Энэтхэг улстай онцгой гэрээний харилцаатай улс юм. Хууль тогтоох дээд байгууллага нь нэг танхимт үндэсний ассемблей (150 суудалтай). Засгийн тэргүүн нь сайд нарын зөвлөлийн дарга.

Бутан улс нь хөдөө аж ахуйн орон юм. Цагаан будаа, улаан буудай, арвай, хар будаа, эрдэнэ шиш, гич, төмс, хөвөн голлон тариалж ургуулдаг, газар тариалан тус улсын эдийн засагт зонхилно. Уулархаг нутгаар үхэр, сарлаг, хонь, гахай, луус, үржүүлдэг. Бөс бараа, хивс нэхэх, цаас болон төмөрлөг боловсруулах зэрэг гар үйлдвэртэйгээс гадна модон сийлбэр их хөгжсөн. Мөн жимсний шүүс, дарсны үйлдвэрүүд нилээд байдаг. 3690 км авто замтайгаас 2240 км нь хатуу хучилттай.

Мөнгөн тэмдэгт нь : Нгултрум /Ну/ 100 ну =3.18 ам.доллартай тэнцэнэ.

Нэг хүнд оногдох ҮНБ: 1420 ам доллар

Уур амьсгал ба ан амьтад:  Тус улсын газар нутаг нь далайн салхи бүхий чийглэг дулаан уур амьсгалтай бүсэд багтана. Жилийн дундаж хэм нь 20 градус. Үндсэндээ бүх нутаг өндөр уулын бүсэд оршино. Хамгийн өндөр цэг нь Куала – Кангри 7553м уул юм. Навчит болон шилмүүст мөнх ногоон ойтой, мөнх цаст уулс, мөсөн голууд их байдаг. Заан, хирс, бар, ирвэс, бух гөрөөс, гахай, гималайн баавгай, буга, сармагчин зэрэг амьтдаар баялаг орон юм.   

Түүх соёлын дурсгал: Вангийн ордон, олон тооны буддын шашны сүм, дуган, дацангууд тус орны гайхамшигт тооцогддог. Бутаны эртний нийслэл Пунакха сүм, дуган ихтэй.

Эх сурвалж : Дэлхийн улс орнууд, Юрий Кручкин, УБ 2007 он.

  Санал хүсэлтээ сэтгэгдэлээр үлдээнэ үү.